অসম সাহিত্য সভাৰ চাৰিটা বঁটা ঘোষণা, পঢ়ক

নিউজ ডেস্ক:

অসম সাহিত্য সভাৰ চাৰিটা সন্মানীয় বঁটা ঘোষণা।৪ গৰাকী বিশেষ ব্যক্তিক সভাই প্ৰদান কৰিব এই বঁটা কেইটা।বৈষ্ণৱ পণ্ডিত শশীচন্দ্ৰ বৰবৰুৱা বঁটা এইবাৰ প্ৰদান কৰিব বিশিষ্ট সাহিত্যিক-গৱেষক-শিক্ষাবিদ ডঃ প্ৰফুল্ল মহন্তক।দুবছৰৰ মূৰে মূৰে প্ৰদান কৰা এই বঁটাত আছে   স্মাৰক, সম্বৰ্ধনা পত্ৰ, গ্ৰন্থৰ টোপোলা আৰু নগদ এক লাখ টকাৰ চেক।

সভাই পাঁচ বছৰৰ মূৰে মূৰে প্ৰদান কৰা ছগনলাল জৈন বঁটাৰ বাবে এইবাৰ নিৰ্বাচিত কৰা হৈছে ডঃ শিৱনাথ বৰ্মনক।বঁটাত আছে স্মাৰক, সম্বৰ্ধনা পত্ৰ, গ্ৰন্থৰ টোপোলা আৰু পঞ্চাশহাজাৰ টকাৰ চেক।

ইয়াৰ উপৰিও নিজৰা কবি শৈলধৰ ৰাজখোৱা বঁটালৈ নিৰ্বাচিত কৰা হৈছে ডঃ অখিল চক্ৰৱৰ্তীক।বঁটাত আছে স্মাৰক, গ্ৰন্থৰ টোপোলাৰ উপৰিও পোন্ধৰ হাজাৰ টকাৰ চেক।দুবছৰৰ মূৰে মূৰে এই বঁটা প্ৰদান কৰা হয়।

ধৰ্মেশ্বৰ কটকী শিশু সাহিত্য বঁটা অভিজিৎ শৰ্মা বৰুৱাক প্ৰদান কৰিব সভাই।এই বঁটাত আছে দহ হাজাৰ টকা। দুবছৰৰ মূৰে মূৰে প্ৰদান কৰা হয় এই বঁটা।