ডবকাত নিশা বৃহৎ পৰিমাণৰ হেৰোইন জব্দ

নিউজ ডেস্ক:

হোজাইৰ ডবকাত নিশা আৰক্ষীৰ অভিযানত জব্দ হয় প্ৰায় ডেৰ কোটি টকাৰ হেৰোইন৷ লগতে দুজনকৈ  ড্ৰাগছ সৰবৰাহকাৰীক গ্ৰেপ্তাৰ কৰিছে আৰক্ষীয়ে৷ গ্ৰেপ্তাৰ সৰবৰাহকাৰীদ্বয় ক্ৰমে ইমৰান  আৰু মুকেশ৷ দুয়োৰে ঘৰ বিহাৰত৷ 

জানিব পৰা মতে ,৬১ টা চাবোনৰ বাকচত আনিছিল সন্দেজনক হেৰোইনখিনি ৷  AS 10 E 4078 নম্বৰৰ বেলেনো গাড়ীত মনিপুৰৰ ইম্ফলৰ পৰা অনা হৈছিল ড্ৰাগছখিনি ৷ ড্ৰাগছ সৰবৰাহকাৰী সকলে বাহন খনৰ  দৰ্জাৰ তলত ৰানিং বোডত ড্ৰাগছখিনি সোমাই ৰাখিছিল৷ যাৰ বাবে প্ৰায় আধাঘন্টাৰ অন্ততহে আৰক্ষীয়ে বিচাৰি পায় ড্ৰাগছখিনি৷

ড্ৰাগছ সৰবৰাহকাৰী দুয়োকে ডবকা থানাত আৰক্ষীয়ে জেৰা অব্যাহত ৰাখিছে ।