মণিপুৰৰ ইম্ফলত ভয়ংকৰ বোমা বিস্ফোৰণ

নিউজ ডেস্ক:
মণিপুৰৰ ইম্ফলৰ পূব জিলাৰ লামলং বজাৰৰ এখন ফাৰ্মাচীত আজি পুৱা সংঘটিত হয় শক্তিশালী বোমা বিস্ফোৰণ।প্ৰাপ্ত খবৰ অনুসৰি ফাৰ্মাচীখনত আই ই ডি বিস্ফোৰণ হৈছিল।
বোমাটো এটা ইম্প্ৰুভাইজড এক্সপ্লোচিভ ডিভাইচ বুলি সন্দেহ কৰা হৈছে ।বিস্ফোৰণৰ ফলত হোৱা জুইত ফাৰ্মাচীৰ ঔষধ, আচবাব আৰু অন্যান্য সামগ্ৰীসমূহ জাহ যায় যদিও সৌভাগ্যক্ৰমে কোনো ব্যক্তি হতাহতি হোৱা নাই ।
উল্লেখ্য যে ,এই বিস্ফোৰণৰ পিছতেই ইম্ফলত এতিয়া নিৰাপত্তা বৃদ্ধি কৰা হৈছে আৰু আৰক্ষীয়ে তদন্ত আৰম্ভ কৰিছে।