হোজাইত পৃথকে পৃথকে আৰক্ষীৰ দুটাকৈ এনকাউণ্টাৰ

নিউজ ডেস্ক:

ভূ-মাফিয়া নজৰুলক লৈ নিশা লামডিং আৰক্ষীয়ে আন ভূ-মাফিয়াক বিচাৰি ন-খুটীত অভিযান চলোৱাৰ সময়তেই অজুহাত দেখুৱাই আৰক্ষীৰ পিষ্টল কাঢ়ি এক জাই গুলি ফুটাই আৰক্ষীৰ জিম্মাৰ পৰা  পলাবলৈ চেষ্টা কৰোতেই  আৰক্ষীৰ গুলীত গুলিবিদ্ধ হয় নজৰুল।

আনহাতে, ডবকাৰ বাইক চুৰ জাকিৰ হুছেইনো ডবকা আকাশীগংগা পথৰে আৰক্ষীৰ লগত অভিযানত যাওতে আৰক্ষীৰ জিম্মাৰ পৰা পলাবলৈ চেষ্টা কৰোতেই আৰক্ষীৰ গুলিত গুলিবিদ্ধ হয়  জাকিৰ। 

বৰ্তমান দুই গুলিবিদ্ধক আৰক্ষীৰ নিৰীক্ষণত, চিকিৎসাৰ বাবে ৰখা হৈছে নগাঁও অসামৰিক চিকিৎসালয়ত।বৰ্তমান দুয়ো সুস্থ বুলি জানিব পৰা গৈছে।। 

লংকাৰ বৰদলৈ পথাৰৰ ড° ৰহমত আলীকো ভূ-মাফিয়াৰ অভিযোগত লামডিং আৰক্ষী থানাত ৰুজু হোৱা গোচৰৰ ভিত্তিত আটক কৰা হৈছে।

বৰ্তমানলৈকে লামডিং বনাঞ্চলৰ ঘটনা সন্দৰ্ভত ছয় জন ভূ-মাফিয়াক আটক কৰিছে হোজাই আৰক্ষীয়ে। 

ধৃত মাটিৰ দালাল কেইটা ক্ৰমে নজৰুল ইছলাম,আনোৱাৰ হুছেইন,আফজল হুছেইন,আবুল হুছেইন,আফাছউদ্দিন আৰু ৰহমত আলি লস্কৰ ।