চতুৰ্থবাৰলৈ ট্ৰফী দখল চেন্নাই চুপাৰ কিংছৰ

নিউজ ডেস্ক:
শুকুৰবাৰে অনুষ্ঠিত হয় 2021 বৰ্ষৰ IPL ৰ ফাইনেল মেচ ৷ ডুবাইত অনুষ্ঠিত IPL ৰ চূড়ান্ত মেচখনত 27 ৰাণত জয় লাভ কৰে চেন্নাইৰ দলটোৱে ৷কলকাতাক হৰুৱাই চতুৰ্থবাৰৰ বাবে IPL ৰ খিতাপ নিজৰ নামত কৰিলে চেন্নাই চুপাৰ কিংছে ৷
উল্লেখ্য যে ,টছত জিকি কলকাতা নাইট ৰাইডাৰ্ছে প্ৰথমে বলিঙৰ সিদ্ধান্ত লয় ৷ মেচখনত ডু প্লেচিছে 59 বলত 86 ৰাণ সংগ্ৰহ কৰে ৷ চেন্নায়ে বান্ধি দিয়া 193 ৰাণৰ লক্ষ্যৰ বিপৰীতে কলকাতাই 20 অভাৰত 9 টা উইকেট হেৰুৱাই 165 ৰাণ সংগ্ৰহ কৰে ৷ কলকাতাৰ হৈ শুভম গীল আৰু ভেংকটেশ আয়াৰে ক্ৰমে 51 আৰু 50 ৰাণ সংগ্ৰহ কৰে ৷
কলকাতাই 11 অভাৰত এটাও উইকেট নেহেৰুৱাকৈ 91 ৰাণ সংগ্ৰহ কৰিছিল ৷ কিন্তু ইয়াৰ পাছতে 17 অভাৰত 125 ৰাণ সংগ্ৰহ কৰি দলটোৱে 8 টাকৈ উইকেট হেৰুৱায় ৷ যাৰ বাবে পৰাজয়ৰ সন্মুখীন হ’বলগীয়া হয় দলটো ৷