হোজাই জিলাৰ কাকীত বন্যহস্তীৰ আক্ৰমণত নিহত মহিলা

নিউজ ডেস্ক:

পূজাৰ আনন্দৰ মাজতেই হোজাইৰ জিলাৰ কাকীত  দেখা গ'ল এক হৃদয় বিদাৰক দৃশ্য।হোজাই জিলাৰ লংকাৰ কাকীত পুৱা ৫ মান বজাত খাদ্যৰ সন্ধানত অহা এটা বনৰীয়া হাতীয়ে আক্ৰমণ কৰে এগৰাকী মহিলাক।পুৱাই প্ৰাতঃকৰ্ম কৰি থকাৰ সময়তে চিনু দেৱনাথ নামৰ ৪৫ বছৰীয়া মহিলা গৰাকী খাদ্যৰ সন্ধানত অহা এটা বনৰীয়া হাতীৰ গছকত মৃত্যু হয়।

ৰাইজৰ অভিযোগ অনুসৰি দীৰ্ঘদিন ধৰি অঞ্চলটোত বনৰীয়া হাতীয়ে সন্ত্ৰাস চলাই আহিছে। ৰাইজে বন বিভাগক এই কথা বাৰে বাৰে অবগত কৰি আহিছে যদিও কোনোধৰণৰ ব‌্যৱস্থা গ্ৰহণ নকৰাৰ অভিযোগ বন বিভাগৰ বিৰুদ্ধে ।