বাৰানসীত ক'ৰ'না ৰোগীৰ সহায়ত ব্ৰতী প্ৰসিদ্ধ বাবা বিশ্বনাথ মন্দিৰ

দেশত গুৰুতৰ ৰূপ ধাৰণ কৰা ক'ৰ'না সংকটৰ সময়ত জনসাধাৰণৰ সহায়ৰ বাবে আগবাঢ়ি আহিছে মঠ-মন্দিৰসমূহো।

ব্যাপক কোভিড সংক্ৰমণ প্ৰত্যক্ষ কৰা হোৱা উত্তৰ প্ৰদেশত এই ক্ষেত্ৰত আগবাঢ়ি আহিছে প্ৰসিদ্ধ মন্দিৰ।

ৰাজ্যখনৰ বাৰানসীস্থিত প্ৰসিদ্ধ বাবা বিশ্বনাথ মন্দিৰৰ পৰিচালন কৰ্তৃপক্ষই অঞ্চলটোৰ কোভিড ৰোগীসকলৰ বাবে ঔষধ,অক্সিজেন আদি যোগান ধৰিবলৈ ধৰিছে।মন্দিৰ কৰ্তৃপক্ষৰ এই মানৱদৰদী ভূমিকাৰ শলাগ লৈছে সচেতন নাগৰিকসকলে।