জম্মু কাশ্মীৰত সেনাৰ শীৰ্ষ বিষয়াসহ পাঁচজন শ্বহীদ

নিউজ ডেক্স:-

পুনৰ ৰাঙলী হ'ল জম্মু-কাশ্মীৰৰ ভূমি। জনমভূমি  ৰক্ষাৰ নামত জীৱন উচৰ্গা কৰিলে  দেশৰ পাচজনকৈ বীৰ জোৱানে। ৰবিবাৰে জম্মু-কাশ্মীৰৰ কুপৱাৰা জিলাৰ হেণ্ডৱাৰা চহৰত সন্ত্ৰাসবাদীৰোধী এক অভিযানত কৰ্নেল আশুতোচ শৰ্মা,মেজৰ অনুজ চোদ,  দুগৰাকী জোৱান আৰু এজন পুলিচ  কনিষ্টবল মৃত্যু মুখত পৰে। অৱশ্যে জম্মু-কাশ্মীৰ আৰক্ষী আৰু ভাৰতীয় সেনাৰ এই যুটিয়া অভিযানৰ সময়চোৱাত দুজনকৈ দুধৰ্ষ সন্ত্ৰাসবাদীও নিহত হয়। আনহাতে  নিহত হোৱা সন্ত্ৰাসবাদী দুগৰাকী কোনটো সংগঠনৰ সৈতে জড়িত এই কথা বৰ্তমানলৈ স্পষ্ট হোৱা নাই।