গুৱাহাটীৰ জিএমচিএইচ-এমএমচিত বায়ুসেনাৰ পুষ্পবৃষ্টি

নিজৰ জীৱনক তুচ্ছজ্ঞান কৰি মহামাৰী ক'ৰ'না ভাইৰাছৰ বিৰুদ্ধে সন্মুখৰ পৰা যুঁজ দিয়া দেশৰ চিকিৎসক-নাৰ্ছ,চিকিৎসাকর্মীসকলক অভিবাদন ভাৰতীয় বায়ু সেনাৰ।মানৱ সেৱাত ব্ৰতী হৈ ক'ৰ'না সংগ্রামত সন্মুখৰ পৰা যুঁঁজ দিয়া গুৱাহাটীৰ মেডিকেল কলেজ চিকিৎসালয় আৰু মহেন্দ্ৰ মোহন চৌধুৰী চিকিৎসালয়ত কৰ্মৰত প্ৰতিজন যোদ্ধাক দেওবাৰে পুৱা ১০ বজাত অভিবাদন জনাই ভাৰতীয় বায়ুসেনাই।দুয়োখন চিকিৎসালয়ত চিকিৎসক-নাৰ্ছ,চিকিৎসাকর্মীসকলক বায়ুসেনাৰ হেলিকপ্টাৰৰ জৰিয়তে আকাশমাৰ্গৰ পৰা পুষ্পবৃষ্টিৰে জনোৱা হয় অভিবাদন।

দুয়োখন চিকিৎসালয়ত নিৰ্দিষ্ট কৰি থোৱা ঠাইত সকলো চিকিৎসাকর্মী থিয় হৈ গ্ৰহণ কৰে অভিবাদন।বিশেষ পেৰেড বজাই বায়ু সেনাই শ্ৰদ্ধা জনায়।