জামুগুৰি আৰক্ষীৰ অভিযান:চুলাই ভাতী উচ্ছেদ

জামুগুৰিহাটৰ পৰা চন্দন শৰ্মা:

শোণিতপুৰ জিলাৰ জামুগুৰি থানাৰ আৰক্ষীৰ দলে সোমবাৰে বিয়লি কেৰাণীপাম, কুসুমটোলা, উপৰ টলকাবাৰী আদি অঞ্চলত অভিযান চলাই চাৰিটাকৈ চুলাইৰ ভাতী উচ্ছেদ কৰাৰ লগতে প্ৰায় পাঁচ হাজাৰ লিটাৰ অবৈধ চুলাই নষ্ট কৰে । আৰক্ষীৰ অভিযানৰ উমান পাই চুলাইৰ ভাতীৰ গৰাকী পলাই পত্ৰং দিয়ে । আৰক্ষীৰ দলটোৱে চুলাই প্ৰস্তুত কৰা বিভিন্ন সা-সামগ্ৰী জব্দ কৰি থানালৈ নিয়ে । আৰক্ষী বিষয়াগৰাকীয়ে জনোৱা মতে অবৈধ চুলাই প্ৰস্তুত কৰা ভাতীৰ গৰাকীসকলক আৰক্ষী থানাত হাজিৰ হ'বলৈ নিৰ্দেশ দিয়া হৈছে ।