গুৰুদাসপুৰত জনসেৱাত ব্যস্ত ছানী দেওল:পিছুৱাই দিলে পুত্ৰৰ অভিষেক ছবিৰ মুক্তিৰ তাৰিখ

বিগত লোকসভা নিৰ্বাচনত পঞ্জাবৰ গুৰুদাসপুৰ লোকসভা সমষ্টিত জয়ী হৈ সাংসদ নিৰ্বাচিত হ'ল বলীউডৰ হিমেন ছানী দেওল।তাৰ পিছৰ পৰাই তেওঁ নিজৰ সমষ্টিত যথেষ্ট সময় দি উন্নয়নৰ কার্যসূচী ৰূপায়ণত গুৰুত্ব দিবলৈ ধৰিছে।সমষ্টিত জনসেৱাত ব্যস্ত থকাৰ বাবেই ছানীয়ে পুত্ৰ কৰণ দেওলৰ বলীউডত অভিষেক ঘটোৱা ছবি 'পল পল দিল কে পাছ'ৰ মুক্তিৰ দিন পিছুৱাই দিছে।

ছবিখনৰ মুক্তিৰ দিনটো ১৯ জুলাইৰ পৰা পিছুৱাই নি ২০ ছেপ্টেম্বৰ কৰা হৈছে।ছহৰ বাম্বা নায়িকাৰ ৰূপত থকা ছবিখন পৰিচালনা কৰিছে ছানীয়ে নিজেই।