মুম্বাইৰ পঞ্চতাৰকা হোটেল ত্ৰিডেণ্টত বিধ্বংসী অগ্নিকাণ্ড

মুম্বাইস্থিত পঞ্চতাৰকা ত্ৰিডেণ্ট হোটেলত এক ভয়াবহ অগ্নিকাণ্ড ঘটনা সংঘটিত হয়৷ যোৱা নিশা প্ৰায় ১১ বজাত হোটেলখনত অগ্নিকাণ্ড ঘটনাটো ঘটে৷ এই অগ্নিকাণ্ড ঘটনাটো সংঘটিত হোৱাত হোটেলৰ আৱাসীৰ মাজত আতংকময় পৰিৱেশৰ সৃষ্টি হয়৷ আনহাতে হোটেলখনৰ অগ্নিকাণ্ড সংঘটিত হোৱাত হোটেলখনৰ কৰ্তৃপক্ষই ততাতিয়াকৈ অগ্নিনিৰ্বাপন বাহিনীক খবৰ কৰাত ঘটনাস্থলীত উপস্থিত হয়৷

অগ্নিনিৰ্বাপন বাহনীটো উপস্থিত হৈ জুই নুমুৱাই৷ প্ৰাপ্ত খবৰ মতে এতিয়ালৈকে কোনো লোক হতাহতি হোৱা খবৰ পোৱা নাই৷ উল্লেখ্য যে, এই অগ্নিকাণ্ডটো বিদ্যুতিক ছট্‌ ছাৰকিটৰ ফলত হোৱা বুলি অগ্নিনিৰ্বাপন বাহিনীৰ উচ্চ বিষয়া প্ৰকাশ নালোৱাদে জানিবলৈ দিয়ে আৰু তেওঁ কয় যে, এই ঘটনাটোৰ তদন্ত অৱ্যাহত আছে৷