ৰহাৰ ঘাঁহীত কংগ্ৰেছৰ পঞ্চায়ত নিৰ্বাচনী প্ৰচাৰ তুংগত‌

পঞ্চায়ত নিৰ্বাচনৰ দিন চমু চাপি অহাৰ লগে লগে দলীয় প্ৰাৰ্থীক জয়ী কৰাবলৈ শাসক-বিৰোধী প্ৰতিটো ৰাজনৈতিক দলৰ নেতা-কৰ্মীসকলৰ মাজত ব্যাপক ব্যস্ততা দেখিবলৈ পোৱা গৈছে। ৰহা সমষ্টিৰ জাগীয়াল জিলা পৰিষদৰ অন্তৰ্গত ঘাহী পঞ্চায়ততো কংগ্ৰেছ দলৰ নিৰ্বাচনী প্ৰচাৰ তুংগত উঠিছে ।

কংগ্ৰেছ দলৰ ঘাহী পঞ্চায়তৰ সভানেত্ৰী পদৰ প্ৰাৰ্থী সন্তোষী দাস আৰু আঞ্চলিক পঞ্চায়তৰ সদস্য পদৰ প্ৰাৰ্থী অনুপম ভড়ালীয়ে ঘৰে ঘৰে, পথ সভা আদি অনুষ্ঠিত কৰি সকলোৰে দৃষ্টি আকৰ্ষণ কৰিবলৈ সক্ষম হৈছে৷ বুধবাৰে পঞ্চায়তটোৰ ভিন্ন স্থানত সভা সমিতিৰ লগতে ঘৰে ঘৰে চলোৱা উদ্যমী প্ৰাৰ্থী দুগৰাকীৰ নিৰ্বাচনী প্ৰচাৰত অংশগ্ৰহণ কৰে নগাঁও জিলা অনুসূচিত জাতি উন্নয়ন পৰিষদৰ সভাপতি তথা নগাঁও জিলা কংগ্ৰেছৰ সম্পাদক দীপ    দাসেও ৷