ৰহাত সদৌ অসম ভিত্তিত মহিলা ফুটবল প্ৰতিযোগিতা

ক্ৰীড়া ভাৰতী নগাঁৱৰ উদ্যোগত আৰু ৰহা শাখাৰ সহযোগত শনিবাৰৰ পৰা ৰহাৰ চাপৰমুখত আৰম্ভ হৈছে সদৌ অসম ভিত্তিত মহিলা প্ৰাইজমানী ফুটবল প্ৰতিযোগিতা ।

চাপৰমুখৰ বি বি হান্সাৰিয়া উচ্চতৰ মাধ্যমিক খেলপথাৰত অনুষ্ঠিত শিশুৰাম হাজৰিকা সোঁৱৰণি মহিলা ফুটবল প্ৰতিযোগিতাখনৰ শনিবাৰে অনুষ্ঠিত উদ্বোধনী খেলত চাপৰমুখ মহিলা ফুটবল একাদশ আৰু নলবাৰী মাখিবাহা ক্ৰীড়া সন্থাই অংশগ্ৰহণ কৰে ।

উদ্বোধনী খেলত চাপৰমুখ ফুটবল একাদশে নলবাৰীৰ মাখিবাহা ক্ৰীড়া সন্থাক ৪-০ গ'লত পৰাস্ত কৰে । ইয়াৰ আগতে প্ৰতিযোগিতাখন উদ্বোধন কৰে কেন্দ্ৰীয় মন্ত্ৰী ৰাজেন গোহাঁইৰ পত্নী ৰীতা গোহাঁয়ে ।

ৰহাৰ চাপৰমুখত প্ৰথমবাৰৰ বাবে আয়োজিত এই মহিলা ফুটবল প্ৰতিযোগিতাত অসমৰ কেইবাটাও আগশাৰীৰ মহিলা ফুটবল দলে অংশগ্ৰহণ কৰিছে ৷