ৰহাত বুদুৰাম নাথ ৰঘুকান্ত নাথ প্ৰাইজমানি ফুটবলত ৰজাগাঁও চূড়ান্ত বিজয়

ৰহাৰ দীঘলদৰি-কাকতি গাঁও-পহুপুৰী আঞ্চলিক যুৱ ক্ৰীড়া সন্থাৰ উদ্যোগত চলি থকা স্বৰ্গীয় বুদুৰাম নাথ আৰু স্বৰ্গীয় ৰঘুকান্ত নাথ সোঁৱৰণী প্ৰাইজমানি ফুটবল প্ৰতিযোগিতাৰ ৰজাগাঁও ফুটবল একাদশ চূড়ান্ত বিজয়ী হৈছে ৷ আজি অনুষ্ঠিত চূড়ান্ত খেলখনত কহিগুৰি ফুটবল ক্লাবক ৪-০ গলৰ ব্যৱধানত পৰাস্থ কৰি ৰজাগাঁও ফুটবল একাদশে চূড়ান্ত খিতাপ অৰ্জন কৰিছে ৷ চূড়ান্ত খেলখনৰ শেষত বঁটা বিতৰণী সভাত সভাপতিত্ব কৰে অৱসৰপ্ৰাপ্ত শিক্ষক গোলক চন্দ্ৰ নাথে ৷ খেলখনত উপস্থিত আছিল ৰহাৰ প্ৰাক্তন বিধায়ক গুনেশ্বৰ দাস প্ৰমূখ্যে আন বহুজন ৷