প্ৰতিদিন টাইমৰ মুখ্য সম্পাদক নিতুমণি শইকীয়ালৈ কৰ্মযোগী-২০২৪ বঁটা

নিউজ ডেস্ক:
প্ৰতিদিন টাইমৰ মুখ্য সম্পাদক নিতুমণি শইকীয়ালৈ কৰ্মযোগী-২০২৪ বঁটা ঘোষণা। স্বৰ্গীয় ধনেশ্বৰ তালুকদাৰ আৰু সব্যা তালুকদাৰৰ স্মৃতি সংৰক্ষণী সমিতিৰ উপদেষ্টা বিশিষ্ট শিক্ষাবীদ মুনীন্দ্ৰ নাৰায়ন গোস্বামীয়ে সংবাদমেল যোগে এই কথা সদৰী কৰে ৷
উক্ত বঁটাটি আনুস্থানিক ভাবে প্ৰদান কৰিব অহা ২২ ফেব্ৰুৱাৰীত বজালীৰ ডুমুৰীয়াৰ এক গাম্ভীৰ্য্য পূৰ্ণ অনুষ্ঠানত।উল্লেখ্য যে, জেষ্ঠ অধিবক্তা গোপাল তালুকদাৰৰ পিতৃ-মাতৃ স্বৰ্গীয় ধনেশ্বৰ তালুকদাৰ আৰু সব্যা তালুকদাৰৰ পবিত্ৰ স্মৃতিত বিগত চাৰিবছৰ ধৰি  ডুমুৰীয়া গাঁৱৰ ৰাইজে কৰ্মযোগী বঁটা প্ৰদান কৰি আহিছে। এইবেলি পঞ্চমবৰ্ষৰ বাবে "কৰ্মযোগী  ২০২৪"  বঁটা প্ৰদান কৰিব প্ৰতিদিন টাইমৰ মুখ্য সম্পাদক নিতুমণি শইকীয়াক৷ বঁটাটিত  থাকিব ফুলাম গামোচা, চেলেং চাদৰ, জাপি, সম্বৰ্ধনা পত্ৰ আৰু নগধ ধনৰ লগতে স্মাৰক পত্ৰ ৷