কপৌফুল বিক্ৰীৰে ৫০হাজাৰ টকা উপাৰ্জনৰ লক্ষ্য যোৰহাটৰ মিঠু গগৈৰ

নিউজ ডেস্ক:

বিহু যেনেকৈ অসমীয়াৰ আবেগ ;কপৌ ফুলো তেনেকৈ প্ৰতিগৰাকী অসমীয়াৰ আবেগ ৷এই কপৌফুল বিক্ৰী কৰিয়েই  এইবাৰ বিহুত ৫০ হাজাৰ টকা উপাৰ্জনৰ লক্ষ্য লৈছে যোৰহাটৰ মিঠু গগৈ নামৰ এজন ব্যক্তিয়ে ৷উল্লেখ্য যে, ১৪ এপ্ৰিলত বিহুৰে বিশ্ব অভিলেখ গঢ়াৰ অনুষ্ঠানত ১০০০ পাহ কপৌফুল নাচনীক যোগান ধৰিব মিঠু গগৈয়ে। উদ্যোক্তা সমিতিয়ে ৫০ টকাত এপাহকৈ কপৌ ফুল ক্ৰয় কৰিব মিঠু গগৈৰ পৰা । তেওঁ জানিবলৈ দিয়া মতে, ১০০০ পাহ কপৌফুল বিক্ৰী কৰি তেওঁ এইবাৰ ৫০ হাজাৰ টকা উপাৰ্জন কৰিব। ১৪ তাৰিখৰ প্ৰতি লক্ষ্য ৰাখিয়ে এতিয়া মিঠু গগৈয়ে ব্যস্ত হৈ পৰিছে কপৌফুল সংগ্ৰহত।