ভাৰতত বৰ্তমানলৈ বিয়পা নাই ক'ৰ'না ভাইৰাছৰ দ্বিতীয় ষ্ট্ৰেইনৰ সংক্ৰমণ

--ৰাজকমল চাংকাকতি--

দেশবাসীক আশ্বস্ত কৰিব পৰা এটা খবৰ।ভাৰতত বৰ্তমানলৈ বিয়পা নাই ক'ৰ'না ভাইৰাছৰ দ্বিতীয় ষ্ট্ৰেইনৰ সংক্ৰমণ।এই বিষয়ে অৱগত কৰিলে 'এইমছ'ৰ সঞ্চালক ডাঃ ৰণদীপ গুলেৰীয়াই।উল্লেখ যে গ্ৰেট ব্ৰিটেইনত ক'ৰ'না ভাইৰাছৰ দ্বিতীয় ষ্ট্ৰেইনৰ সংক্ৰমণ বিয়পাৰ পিছত ভাৰতত বিভিন্ন সতৰ্কতামূলক ব্যৱস্থা গ্ৰহণ কৰা হৈছে।তাৰ অন্তৰ্গত গ্ৰেট ব্ৰিটেইনৰ পৰা ভাৰতলৈ বিমান চলাচল বন্ধ কৰি দিয়া হৈছে।গুৰুত্বপূৰ্ণ যে ক'ৰ'না ভাইৰাছৰ দ্বিতীয় ষ্ট্ৰেইনৰ সংক্ৰমণ প্ৰথম ষ্ট্ৰেইনৰ তুলনাত দ্ৰুতভাৱে বিয়পে।অৱশ্যে মৃত্যুৰ হাৰ প্ৰথম ষ্ট্ৰেইনৰ তুলনাত অধিক হোৱাৰ তথ্য নাই।