সীমা বিবাদৰ মাজত প্ৰথমবাৰৰ বাবে ভাৰতবৰ্ষৰ প্ৰধানমন্ত্ৰী নৰেন্দ্ৰ মোডী আৰু চীনৰ ৰাষ্ট্ৰপতি জিনপিং মুখামুখি হ’ব 

সীমা বিবাদ চলি থকাৰ পিছত প্ৰথমবাৰৰ বাবে ভাৰতবৰ্ষৰ প্ৰধানমন্ত্ৰী নৰেন্দ্ৰ মোডী আৰু চীনৰ ৰাষ্ট্ৰপতি জিনপিং নৱেম্বৰ মাহত মুখামুখি হ’ব ৩খন ভিন ভিন চামিটত ৷

প্ৰথমখন ১০নবেম্বৰত হ’ব লগা চাংহাই ক’অপাৰেচন অৰগেনাইজেছন হেড্‌চ অফ্‌ ষ্টেট চামিট,দ্বিতীয়খন ১৭ নবেম্বৰত হ’ব লগা BRICS চামিট আৰু শেষৰখন নৱেম্বৰৰ ২১-২২ তাৰিখে হ’ব লগা G20 চামিটত লগ হ’ব দুয়োখন দেশৰ মুৰব্বী দুজন ৷

BRICS আৰু SCO গ্ৰুপিঙৰ অংশীদাৰ ৰাছিয়াই আয়োজন কৰিব ইয়াৰ দুয়োখন সন্মিলন।আনহাতে,G20 সন্মিলনখন পৰিচালনা কৰিব চৌদি আৰবে ৷

১৫ জুনৰ গালৱানৰ ঘটনাত ভাৰতৰ ২০সৈনিকৰ মৃত্যু আৰু চীনৰ ভাৰততকৈ অধিক সংখ্যক সৈন্যৰ মৃত্যু হোৱাৰ পিছত দুয়োখন দেশৰ মাজৰ সম্পৰ্ক বেয়াৰ ফাললৈ ঢাল খাইছিল ৷

এই বছৰৰ প্ৰথম ভাগতো দুয়োজন দেশৰ মুৰব্বী চৌদি আৰবে পৰিচালনা কৰা G20ৰ ক’ৰ’না মহামাৰী সন্দৰ্ভৰ সন্মিলনত মিলিত হৈছিল যদিও তেতিয়া দুয়োখন দেশৰ মাজৰ সম্পৰ্কৰ ইমান অৱনতি ঘটা নাছিল ৷