আমবাৰীত অগপৰ সাধাৰণ পৰিষদৰ বৈঠক,উপস্থিত নাই প্ৰফুল্ল কুমাৰ মহন্ত

আমবাৰীৰ অগপৰ মুখ্য কাৰ্যালয়ত পুৱা ৯ বজাৰ পৰা আৰম্ভ হৈছে সাধাৰণ পৰিষদৰ বৈঠক।উপস্থিত আছে দলৰ প্ৰায়সকল জ্যেষ্ঠ নেতা।কিন্তু প্ৰাক্তন সভাপতি তথা প্ৰাক্তন মুখ্যমন্ত্ৰী প্ৰফুল্ল কুমাৰ মহন্ত উপস্থিত নাই বৈঠকত।

উল্লেখ যে বুধবাৰে কামৰূপ(ম) জিলা সত্ৰ ন্যায়াধীশৰ আদালতে বৈঠক অনুষ্ঠিত কৰাত স্থগিতাদেশ জাৰি কৰিছিল।কিন্তু বৰ্তমানলৈকে ন্যায়ালয়ৰ কোনো নিৰ্দেশনা অগপ নেতৃত্বই লাভ কৰা নাই বুলি উল্লেখ কৰি আৰম্ভ কৰিছে বৈঠক।

আজিৰ বৈঠকতে দলৰ নতুন সমিতি গঠন কৰা হ'ব।বৈঠকৰ পূৰ্বে দলৰ পতাকা উত্তোলন কৰে সভাপতি অতুল বৰাই।