বিজেপিৰ হৈ গান নোগোৱা সংকল্প লোৱা 'কা' বিৰোধী কণ্ঠশিল্পী সীমান্ত শেখৰে আজি যোগদান কৰিব বিজেপিত

নাগৰিকত্ব সংশোধনী আইন-২০১৯ চমুকৈ 'কা' বিৰোধিতাৰে বিজেপিৰ হৈ কোনো দিনে গান নোগোৱা সংকল্প লোৱা কণ্ঠশিল্পী সীমান্ত শেখৰে আজি আনুষ্ঠানিকভাৱে যোগদান কৰিব বিজেপিত।ইতিমধ্যে ৰাজ্যিক বিজেপিয়ে মঙলবাৰে যোগদান কৰাৰ বাবে কণ্ঠশিল্পীগৰাকীক অৱগত কৰিছে।

উল্লেখ যে বিজেপিৰ নিৰ্বাচনী গীতত কণ্ঠদান কৰা শিল্পী গৰাকীয়ে 'কা' আন্দোলনৰ সময়ত কোনোদিনে বিজেপিৰ হৈ গান নোগোৱাৰ সংকল্প লৈছিল।আনকি তেওঁ অসমবাসীক  উদ্দেশ্য কৰি কৈছিল তেওঁ শিল্পী হিচাপে গান গাইছিল,কিন্তু 'কা' অনাৰ বাবে আৰু কোনোদিনে দলটোৰ হৈ গান গোৱা নহ'ব।সেই একেজন কণ্ঠশিল্পীয়ে মঙলবাৰে যোগদান কৰিব বিজেপিত।