গুৱাহাটীত নিষিদ্ধ গাহৰি মাংসৰ কিনা-বেচা

উজনিৰ পিছত এইবাৰ গুৱাহাটীত বন্ধ গাহৰি মাংসৰ কিনা-বেচা।এই বিষয়ে ঘোষণা কৰিছে কৃষিমন্ত্ৰী অতুল বৰাই।উল্লেখ যে পূৰ্বে ৰাজ্যৰ ৬খন জিলাত বন্ধ কৰা হৈছিল গাহৰি মাংসৰ কিনা-বেচা।

আফ্ৰিকান ছোৱাইন ফিভাৰে শেহতীয়াভাৱে কামৰূপ(ম),গোলাঘাট আৰু মাজুলীত নতুনকৈ সংহাৰী ৰূপ ধাৰণ কৰাৰ বাবে জিলাকেইখনত কিনা-বেচা বন্ধ কৰাৰ কথা ঘোষণা কৰিছে মন্ত্ৰী বৰাই।

উল্লেখ যে আফ্ৰিকান ছোৱাইন ফিভাৰৰ বাবে ৰাজ্যত শেহতীয়াভাৱে ১৩,৩৮২টা গাহৰিৰ মৃত্যু হৈছে।কামৰূপ মেট্ৰ'ত মৃত্যু হৈছে ৩৭টাৰ।গোলাঘাট আৰু মাজুলীতো কেইবাশতাধিক গাহৰিৰ মৃত্যু হৈছে।