ক'ৰ'নাৰ আতংকৰ মাজতে গুৱাহাটীত ব্ৰহ্মপুত্ৰত ২খন বাংলাদেশৰ জাহাজ:কৰ্মচাৰীক ১৪দিনৰ কোৱাৰেণ্টাইন

সমগ্ৰ ৰাজ্যৰ লগতে শেহতীয়াভাৱে গুৱাহাটী মহানগৰীত ক'ৰ'না আতংক চলি থকাৰ সময়তে পাণ্ডু পোৰ্টত ব্ৰহ্মপুত্ৰৰ বুকুত আৱদ্ধ কৰা হৈছে বাংলাদেশৰ ২খন জাহাজ।কয়লাভৰ্তি  জাহাজ ২খন আহিছে বাংলাদেশৰ পৰা।

কয়লাভৰ্তি জাহাজ ২খন বাংলাদেশৰ পৰা পাণ্ডুত আহি উপস্থিতি হোৱাৰ পিছতে জাহাজ দুখনত অহা কৰ্মচাৰীসকলক কৰা হৈছে ১৪দিনৰ কোৱাৰেণ্টাইন।

ইতিমধ্যে জাহাজৰ কৰ্মীসকলক পাণ্ডু পোর্টত কৰা হৈছে স্বাস্থ্য পৰীক্ষা।স্বাস্থ্য বিভাগৰ এটা দল পাণ্ডু পোৰ্টত উপস্থিত হৈ স্বাস্থ্য পৰীক্ষা কৰে জাহাজত অহা কৰ্মীসকলক।

ইফালে,ব্ৰহ্মপুত্ৰৰ মাজেতে ৰখাই থোৱা হৈছে বাংলাদেশৰ পৰা কঢ়িয়াই অনা কয়লা ভৰ্ত্তি জাহাজ দুখন।