যোৰহাটত তিনিজন ক'ৰ'না আক্রান্ত:৬২জনলৈ বৃদ্ধি সংখ্যা

ৰাজ্যত পুনৰ তিনিজন ব্যক্তিৰ দেহত ধৰা পৰিছে কোভিড-১৯।যোৰহাটত চিনাক্ত হৈছে তিনিজন ক'ৰ'না আক্ৰান্ত।এই কথা প্ৰকাশ কৰিছে মন্ত্ৰী ডঃ হিমন্ত বিশ্ব শৰ্মাই।মুম্বাইৰ পৰা এম্বুলেন্সত আহিছিল তিনিজন ব্যক্তি।তাৰে এজন এম্বুলেন্সৰ চালক।চালকজনক মুম্বাইলৈ ওভতাই পঠিওৱা হৈছে।বাকী দুজন আক্রান্ত যোৰহাট মেডিকেল কলেজত ভৰ্তি কৰোৱা হৈছে।এই কথা উল্লেখ কৰিছে মন্ত্ৰীগৰাকীয়ে।উল্লেখ যে ৰাজ্যত আক্রান্তৰ সংখ্যা ৬২ জনলৈ বৃদ্ধি পালে।