আইচিইউত আজিও ৰখা হ'ব জুবিনক:দেওবাৰে উলিয়াই অনা হ'ব আইচিইউৰ পৰা

নেমকেয়াৰ হাস্পতালৰ আইচিইউত চিকিৎসাধীন হৈ থকা শিল্পী জুবিন গাৰ্গ সুস্থ।পুৱা গ্ৰহণ কৰিলে পাতল খাদ্য।এই কথা জানিবলৈ দিছে চিকিৎসালয়খনৰ জ্যেষ্ঠ চিকিৎসক হিতেশ বৰুৱাই। বৰুৱাই সংবাদ মাধ্যমক জানিবলৈ দিয়া অনুসৰি-'শুকুৰবাৰৰ তুলনাত সঁচাকৈ সুস্থ হৈ উঠিছে জুবিন।পুৱাই শুই উঠি সকলোৰে লগত কথা পাতিছে।' আজিও জুবিনক আইচিইউত ৰখা হ'ব বুলি জানিবলৈ দি চিকিৎসক বৰুৱাই কয়-'কেইটামান পৰীক্ষা কৰিবলৈ আছে।তাৰ বাবে আজি ৰখা হ'ব আইচিইউত।দেওবাৰে আইচিইউৰ পৰা হয়তো উলিয়াই অনা হব।' 'ৰাতিটো সকলো ঠিকে আছে।সৰু-সুৰা তাৰতম্য থাকিলে দৰৱৰ দ্বাৰা ভাল হয়।দেওবাৰে হয়তো সম্পূৰ্ন সুস্থ হব'-বৰুৱাই কয়। 'এতিয়ালৈকে যিসমূহ পৰীক্ষা কৰা হৈছে,সকলো পৰীক্ষাত ৰিপ'ৰ্ট সুস্থ পোৱা গৈছে।সৰু-সুৰা ব্লাডৰ সমস্যা কিছু আছে,চিন্তাৰ কাৰণ নাই'-বৰুৱাই কয়।