হাজোত ভূমি বিবাদত গুৰুতৰভাৱে আহত ৪ ব্যক্তি

হাজোৰ পৰা কমলাকান্ত দাস
 
হাজোৰ ২নং ভেলকৰত ভূমি বেদখলক কেন্দ্ৰ কৰি সৃষ্টি হয় বিবাদৰ। দুৰ্বৃত্তৰ আক্ৰমণত আহত হয় ভূমিৰ স্বত্বাধিকাৰীসহ  পৰিয়ালৰ চাৰিজনকৈ লোক। আহত লোককেইজন ক্ৰমে নজৰুল ইছলাম(৩০),চুবাহান আলী(৪৫),চাহনুৰ আলী,(২০)আৰু ইউনুছ আলী(১৮)। নজৰুল ইছলাম আৰু চুবাহান আলীক সংকটজনক অৱস্থাত জিএমচিএইছলৈ প্ৰেৰণ কৰা হয়।

হাচমত আলী  আৰু কিচমত আলীৰ নেতৃত্বত অহা ১০ /১২ জনীয়া দল এটাই  মহম্মদ আলীৰ পৰিয়ালক মাৰধৰ কৰে।ফলত মহম্মদ আলীৰ পৰিয়ালৰ উক্ত চাৰিজন লোক গুৰুতৰভাৱে আহত হয়।ঘটনা সন্দৰ্ভত ভুক্তভোগী পৰিয়ালে ৰামদিয়া আৰক্ষী চকীত এজাহাৰ দাখিল কৰে।  ঘটনাস্থলীত আৰক্ষীয়ে তদন্ত আৰম্ভ কৰিছে।