প্ৰাক্তন মন্ত্ৰী ৰকিবুল হুছেইনৰ গাড়ী দুৰ্ঘটনাগ্ৰস্তঃকথমপি প্ৰাণ ৰক্ষা

নগাঁৱৰ পৰা ৱাহিদুদ জামান

এক পথ দুৰ্ঘটনাত কথমপি প্ৰাণ ৰক্ষা পৰিল প্ৰাক্তন মন্ত্ৰী তথা কংগ্ৰেছ নেতা ৰকিবুল হুছেইনৰ। আজি চামগুৰি সমষ্টিত নিৰ্বাচনী প্ৰচাৰত ব্যস্ত থকা হুছেইনে এখন সভাৰ অন্তত আন এখন নিৰ্বাচনী সভালৈ গৈ থকা সময়তে বিয়লি প্ৰায় ৫.৩০ বজাত সমষ্টিটোৰ বৰমাত হুছেইন উঠি যোৱা এ এছ ০১ বি জেদ ০৭৮৬ নম্বৰৰ ইন'ভা গাড়ীখনৰ এটা চকা খুলি যোৱাত দুৰ্ঘটনা সংঘটিত হয়। অৱশ্যে দুৰ্ঘটনাটোত প্ৰাক্তন মন্ত্ৰীজন দৈৱক্ৰমে ৰক্ষা পৰে।আনহাতে দুৰ্ঘটনাটোত ইন'ভাখনত উঠি যোৱা  কোনো লোক হতাহত হোৱা নাই বুলি জানিব পৰা গৈছে। দুৰ্ঘটনাটোৰ ফলত ইনভা গাড়ীখন ক্ষতিগ্ৰস্ত হয়।