হোজাইৰ ইছলাম নগৰত আৰক্ষীৰ অভিযান: ১ লাখ ৩০ হাজাৰ টকা জব্দ

ডবকাৰ পৰা জমিৰ উদ্দিন তালুকদাৰ

 নিৰ্বাচনী আচৰণ বিধি বলৱৎ হৈ থকা সময়ত আজি নিৰ্বাচনী আচৰণ বিধি নিৰীক্ষণ কৰা ফ্লায়িং স্কোৱাড আৰু আৰক্ষীৰ অভিযানত এজন লোকৰ জিম্মাৰ পৰা ১ লাখ ৩০ হাজাৰ টকা জব্দ কৰা হয় ৷ আজি হোজাই জিলাৰ ইছলাম নগৰত আৰক্ষীৰ তালাচীৰ সময়ত নগাঁৱৰ সুকুমাৰ দেৱনাথৰ পুত্ৰ গণেশ দেৱনাথৰ পৰা এই ধনখিনি জব্দ কৰিবলৈ সক্ষম হয় ৷ হোজাই জিলাৰ আৰক্ষী অধীক্ষক অংকুৰ জৈনে জানিবলৈ দিয়া মতে নিৰ্বাচনী কামত নিয়োজিত এচ এচ টিৰ দলে এই ধনখিনি জব্দ কৰে৷যোৱা ৩ এপ্ৰিলতো ডবকাত হোজাইৰ এজন লোকৰ বাহনৰ পৰা আৰক্ষীয়ে ৬৬ লাখ টকা জব্দ কৰিছিল ৷