হিমন্তৰ জালুকবাৰীত ববিতা শৰ্মাই বজালে ৰণডংকা:কুইন ওজাৰ শিক্ষাগত অৰ্হতা সন্দৰ্ভত কটাক্ষ

বিশেষ প্ৰতিবেদক

আজি প্ৰভাৱশালী মন্ত্ৰী ডঃ হিমন্ত বিশ্ব শৰ্মাৰ  জালুকবাৰী সমষ্টিত ৰণডংকা বজালে গুৱাহাটী লোকসভা সমষ্টিৰ কংগ্ৰেছ প্ৰাৰ্থী ববিতা শৰ্মাই।আজি শৰ্মাই বিজেপিৰ দূৰ্গ জালুকবাৰী সমষ্টিৰ আমিনগাঁও,উত্তৰ গুৱাহাটী,জালাহ,মান্দাকাটা আদি এলেকাত জনতাৰ মাজত প্ৰচাৰ চলাই কংগ্ৰেছৰ বাবে ভোট বিচাৰে।মন্দিৰ,মছজিদ আদি দৰ্শন কৰি ববিতা শৰ্মাই নিজৰ বাবে জনতাৰ ভোট বিচাৰে।আজিৰ প্ৰচাৰ অভিযানত অতি গুৰুত্বপূৰ্ণভাৱে ববিতা শৰ্মাই বিজেপি প্ৰাৰ্থী কুইন ওজাৰ শিক্ষাগত অৰ্হতা সন্দৰ্ভত কটাক্ষ কৰে।

কৃষ্ণকান্ত সন্দিকৈ মুক্ত বিশ্ববিদ্যালয়ত উচ্চতৰ মাধ্যমিকৰ কোনো ডিগ্ৰী নাই বুলি তেওঁ উল্লেখ কৰে।শিক্ষাগত অৰ্হতা সন্দৰ্ভত ল'ৰা ধেমালিক তেওঁ দুৰ্ভাগ্যজনক আখ্যা দিয়ে।বিজেপি নেতা মানেই শিক্ষাগত অৰ্হতাৰ খেলিমেলি বুলি শৰ্মাই তাৎপৰ্যপূৰ্ণ মন্তব্য কৰে।

বিজেপিৰ মিথ্যাচাৰৰ বিৰুদ্ধে এতিয়া সমগ্ৰ দেশ একত্ৰিত হৈছে বুলি ববিতা শৰ্মাই কয়।