হাজোত ববিতা শৰ্মাৰ ব্যাপক নিৰ্বাচনী প্ৰচাৰ

হাজোৰ পৰা কমলাকান্ত দাস

গুৱাহাটী লোকসভা সমষ্টিৰ কংগ্ৰেছ প্ৰাৰ্থী ববিতা শৰ্মা আজি উপস্থিত হয় হাজো সমষ্টিত। হাজো দমদমাৰ চেচা দলঙৰ পৰা তেওঁক আদৰি আনে হাজো কংগ্ৰেছৰ কৰ্মীসকলে।তাৰ পিছতে  খোলা জিপত উঠি এপিপিচিচি সম্পাদক দুলু আহমেদক লগত লৈ হাজোত পদাৰ্পণ কৰে ববিতা শৰ্মাই। প্ৰথমতে পঞ্চতীৰ্থৰ অন্যতম তীৰ্থস্থান হয়গ্ৰীৱ মাধৱ মন্দিৰ দৰ্শন কৰি আশীষ লয় মাধৱৰ চৰণত। তাৰ পিছতে ইছলামধৰ্মীসকলৰ পৱিত্ৰ তীৰ্থস্থান পোৱামক্কা দৰ্গাহ শ্বৰীফত দোৱা লয় ববিতা শৰ্মাই। হাজো সমষ্টিৰ বিভিন্ন প্ৰান্তত আজি দিনজোৰা কাৰ্যসূচীৰে নিৰ্বাচনী প্ৰচাৰ চলাই ববিতা শৰ্মাই। উল্লেখ্য যে বিজেপি দলৰ প্ৰাৰ্থী কুইন ওজাই ৰাজনীতিত শিক্ষাগত অৰ্হতাৰ প্ৰয়োজন নাই বুলি কৰা মন্তব্যৰ প্ৰত্যুত্তৰত কংগ্ৰেছৰ প্ৰাৰ্থী ববিতা শৰ্মাই কয় যে এয়া দুৰ্ভাগ্যজনক।