চৰাইদেউত মহিলা প’লিং প্ৰিজাইদিং বিষয়াৰ বিশেষ প্ৰশিক্ষণ

সোণাৰিৰ পৰা ঘন বৰা
 
 ১২ ন্ং যোৰহাট লোকসভা সমষ্টিৰ অন্তৰ্গত ১০৫ নং মাহমৰা আৰু ১০৬ নং সোণাৰি বিধান সভা সমষ্টিটোৰ প’লিং আৰু প্ৰিজাইদিং বিষয়াসকলৰ প্ৰশিক্ষণ কাৰ্য পূৰ্ণগতিত চলি আছে।আজি পুৱাৰ ভাগত উপায়ুক্তৰ কাৰ্য্যালয়ৰ সভাকক্ষত অতিৰিক্ত উপায়ুক্ত দীপক কুমাৰ ভুঞাৰ তত্বাৱধানত দুয়োটা সমষ্টিৰ অন্তৰ্গত কেৱল মহিলা প’লিং আৰু প্ৰিজাইদিং বিষয়াসকলক বিশেষভাৱে প্ৰশিক্ষণ দিয়ে মহকুমা পৰিসংখ্যা বিষয়া সূৰ্যকমল বড়া আৰু মহকুমা সমবায় বিভাগৰ জেষ্ঠ্য পৰিদৰ্শক ৰঞ্জিত কুমাৰ শইকীয়াই।
উল্লেখযোগ্য যে ভোটগ্ৰহণৰ দিনা নিৰ্দিষ্ট কেইটামান ভোটগ্ৰহণ কেন্দ্ৰত কেৱল মহিলা প’লিং আৰু প্ৰিজাইদিং বিষয়াসকলৰ দ্বাৰা উক্ত ভোটগ্ৰহণ কেন্দ্ৰসমূহত নিৰ্বাচনী কাৰ্য্য পালন কৰা হ'ব।
আজি সম্পন্ন হোৱা বিশেষ প্ৰশিক্ষণত মহিলা বিষয়াসকলক ইভিএম, ভিভিপিএটিৰ লগতে অন্যান্য নিৰ্বাচন সংক্ৰান্তীয় আনুসংগিক বিষয়সমূহৰ প্ৰশিক্ষণ দিয়া হয় । ইতিমধ্যে এনেধৰণৰ দুটা মহিলা বিষয়াৰ দল চৰাইদেউবা জিলাত সাজু কৰি থোৱা হৈছে বুলি মহকুমা তথ্য আৰু জনস্ংযোগ বিষয়া জয়ন্ত মাউটে জানিবলৈ দিয়ে।