বিজেপি প্ৰাৰ্থী ৰূপক শৰ্মাৰ কনভয় দুৰ্ঘটনাত পতিত

১০ নং নগাঁও লোকসভা সমষ্টিৰ ভাৰতীয় জনতা পাৰ্টীৰ প্ৰাৰ্থী ৰূপক শৰ্মাই আজি লামডিং চহৰলৈ নিৰ্বাচনী প্ৰচাৰ চলাবলৈ যোৱা অৱস্থাত দুৰ্ঘটনাত পতিত হয় তেওঁৰ কনভয়ৰ গাড়ী।৫৪ নং ৰাষ্ট্ৰীয় ঘাইপথৰ নতুন বস্তি হাতীপথ নামৰ ঠাইত ৰূপক শৰ্মাৰ কনভয়ৰ দুখন গাড়ী দুৰ্ঘটনাত পতিত হয়।কথমপি প্ৰাণ ৰক্ষা পৰে  কেইবাজন দলীয় নেতাৰ। সংকটজনক অৱস্থাত এজনক স্থানীয় আৰক্ষীয়ে চিকিৎসালয়লৈ প্ৰেৰণ কৰে।উল্লেখযোগ্য যে উক্ত ঠাইত বাৰম্বাৰ দুৰ্ঘটনা সংঘটিত হোৱাৰ পিছতো চাৰিলেনযুক্ত ঘাইপথ কৰ্তৃপক্ষই কোনো ব্যৱস্থা গ্ৰহণ কৰা পৰিলক্ষিত হোৱা নাই।

লংকাৰ পৰা মনোজ কুমাৰ পাঠক