কোন বিজেপি সাংসদে 'চকীদাৰ'ক প্ৰদান কৰিলে পদত্যাগপত্ৰ ?

টিকট  নাপালে  উত্তৰ প্ৰদেশৰ হৰদ'ই লোকসভা সমষ্টিৰ বিজেপিৰ সাংসদ অনছুল বৰ্মাই।চূড়ান্তভাৱে অসন্তুষ্ট হ'ল সাংসদজন।পদত্যাগৰ সিদ্ধান্ত গ্ৰহণ কৰিলে তেওঁ।কিন্তু পদত্যাগপত্ৰ তেওঁ ব্যতিক্ৰমীভাৱে প্ৰদান কৰিলে।বৰ্মাই পদত্যাগপত্ৰ বিজেপিৰ অধ্যক্ষক প্ৰদান নকৰিলে।অনছুল বৰ্মাই পদত্যাগপত্ৰ প্ৰদান কৰিলে লখনৌৰ প্ৰদেশ  বিজেপিৰ মুখ্য কাৰ্যালয়ৰ প্ৰৱেশদ্বাৰৰ চকীদাৰৰ হাতত।এনেদৰে বিজেপিক কটাক্ষ কৰা বৰ্মাই টিকট নোপোৱা নিশ্চিত হোৱাৰ কেইটামান ঘন্টাৰ ভিতৰতে যোগ দিলে সমাজবাদী পাৰ্টিত।উল্লেখ্য যে হৰদ'ই সমষ্টিত বিজেপিয়ে টিকট দিলে জয় প্ৰকাশ ৰাৱাতক।