বিজেপিৰ সৈতে এনপিপিৰ গোপন মিত্ৰতা! কনৰাড-হিমন্তৰ ৰুদ্ধদ্বাৰ বৈঠক

মেঘালয়ৰ মুখ্যমন্ত্ৰী তথা এনপিপি দলৰ নেতা কনৰাড চাংমাৰ সৈতে হিমন্ত বিশ্ব শৰ্মাৰ বৈঠক। গুৱাহাটীৰ ৰেডিচন ব্লুত অনুষ্ঠিত হৈছে এই গুৰুত্বপূৰ্ণ বৈঠক। উল্লেখ্য যে নাগৰিকত্ব সংসোধনী বিধেয়কৰ বিৰুদ্ধে প্ৰতিবাদ জনাই মেঘালয় মুখ্যমন্ত্ৰীগৰাকীয়ে বিজেপিৰ সৈতে থকা মিত্ৰতা ভংগ কৰিছিল। তাৰ পাছতে কনৰাড চাংমাই ঘোষণা কৰিছিল এনপিপি দলে আগন্তুক লোকসভাৰ নিৰ্বাচনত দলটোৱে সমগ্ৰ উত্তৰ-পূবৰ ২৫খন আসনত অকলে নিৰ্বাচনত অৱতীৰ্ণ হ'ব।

তাৰবাবে দলটোৱে ইতিমধ্যে ঘোষণা কৰিছে বহুকেইটা সমষ্টিৰ বাবে প্ৰাৰ্থী তালিকা । য'ত অসমৰ ৫টা লোকসভাৰ সমষ্টিৰ প্ৰাৰ্থী নামো ঘোষণা কৰা হৈছে। কিন্তু ইমানৰ পাছতো বিজেপি দলৰ সৈতে কনৰাড চাংমাই গোপন বৈঠকত মিলিত হোৱাটোৱে চিন্তিত কৰিছে জনসাধাৰণৰ মাজত। আনহাতে এই বৈঠকত অগপৰ দুই নেতা অতুল বৰা আৰু কেশৱ মহন্তও উপস্থিত আছে।