গুৱাহাটীত ১১-১২ মাৰ্চত ভাৰতীয় গণনাট্য সংঘৰ মহা ৰজৎ জয়ন্তীৰ কাৰ্যসূচী

দেশৰ সাংষ্কৃতিক নৱজাগৰণত এক বিশেষ স্থান অধিকাৰ কৰা ভাৰতীয় গণনাট্য সংঘৰ ৭৫ বছৰীয়া মহা ৰজৎ জয়ন্তী অসম ৰাজ্যিক সমিতিয়েও দুদিনীয়া কাৰ্যসূচীৰে আয়োজন কৰিবলৈ লৈছে। গুৱাহাটী জিলা পুথিভঁৰাল প্ৰেক্ষাগৃহত অহা ১১ আৰু ১২ মাৰ্চ তাৰিখে অসম ৰাজ্যিক সমিতিয়ে উদ্‌যাপন কৰিব সংঘৰ মহা ৰজৎ জয়ন্তী। সেই উপলক্ষে দুয়োটা দিনতে দুখন নাটক মঞ্চস্থ কৰা হ'ব। লগতে ১৭ মাৰ্চত দীঘলীপুখুৰীপাৰৰ লক্ষীধৰ বৰা ক্ষেত্ৰত শিল্পী-সাহিত্যক, সাংস্কৃতিক অনুষ্ঠান তথা বিভিন্ন ব্যক্তিৰ সহযোগিতাত মহা ৰজৎ জয়ন্তী সমাৰোহৰ এক বৰ্ণাঢ্য অনুষ্ঠান আয়োজন কৰা হ'ব। এই কথা আজি এক সংবাদমেলৰ জৰিয়তে জানিবলৈ দিয়ে ভাৰতীয় গণনাট্য সংঘৰ অসম ৰাজ্যিক সমিতিৰ সভাপতি উদয়াদিত্য ভৰালীয়ে। গুৱাহাটী প্ৰেছ ক্লাবত সম্বোধন কৰা সংবাদমেলখনত তেওঁৰ উপৰি উপস্থিত থাকে সাধাৰণ সম্পাদক প্ৰমোদ ভূঞা।