অগপৰ কাৰ্যালয়ত তলা লগোৱা মণ্টু দত্ত দলৰ কোনো পৰ্যায়ৰ সদস্য নহয় : মনোজ শইকীয়া

অগপৰ কাৰ্যালয়ত তলা ওলমোৱা সন্দৰ্ভত অগপৰ প্ৰচাৰ সম্পাদক মনোজ শইকীয়াৰ মন্তব্য। অগপৰ কাৰ্যালয়ত তলা ওলমোৱা মণ্টু দত্ত অগপ দলৰ কোনো পৰ্যায়ৰ সদস্য নহয়। কেৱল মাত্ৰ আৱেগৰ বশৱৰ্তী হৈ তলা লগোৱা বুলি উল্লেখ অগপৰ প্ৰচাৰ সম্পাদকজনৰ।

ইফালে মিত্ৰতা সন্দৰ্ভত অগপৰ প্ৰচাৰ সম্পাদকজনৰ মন্তব্য- নিৰ্বাচনী ৰণকৌশলৰ বাবে ইতিমধ্যে দলে গঠন কৰিছে ৯জনীয়া কমিটী। আৰু যদি মিত্ৰতা হ'বলৈ হয় এই ৯জনীয়া কমিটীয়েই সিদ্ধান্ত গ্ৰহণ কৰিব বুলি জানিবলৈ দিয়ে মনোজ শইকীয়াই। 

ইফালে বুধবাৰে এক সংবাদমেলত কংগ্ৰেছ দলৰ প্ৰাক্তন মুখ্য মন্ত্ৰী তৰুণ গগৈয়ে অগপ দলে কংগ্ৰেছ দলৰ পৰা কলিয়াবৰ আসনখন বিচাৰিছিল বুলি কৰা মন্তব্যত অগপৰ প্ৰচাৰ সম্পাদক মনোজ শইকীয়াই কয় যে কংগ্ৰেছ দল ক্ষমতাত নাই বাবেই এইবিলাক কথা কৈ লুটিবাগৰ মাৰি আছে।

আনহাতে, বৰ্তমান সময়লৈকে কোনো ৰাজনৈতিক দলৰ লগত মিত্ৰতা সন্দৰ্ভত আনুষ্ঠানিকভাৱ আলোচনা হোৱা নাই বুলি উল্লেখ কৰে প্ৰচাৰ সম্পাদকজনে।