বশিষ্ঠত ট্ৰাকচালকক নিৰ্মম প্ৰহাৰ কৰা দুই কয়লা মাফিয়া আৰক্ষীৰ জালত

অৱশেষত আৰক্ষীৰ জালত পৰিল বশিষ্ঠত ট্ৰাক চালকক নিৰ্মম আক্ৰমণ কৰা মূল অভিযুক্ত দুই কয়লা মাফিয়া। বশিষ্ঠ আৰক্ষীয়ে গ্ৰেপ্তাৰ কৰা ধৃত কয়লা মাফিয়া দুটা হৈছে ৰমেশ ৰায় আৰু অশোক নাথ। উল্লেখ্য যে ধৃত কয়লা মাফিয়া দুটাই যোৱা ২০ ফেব্ৰুৱাৰীত কয়লা কঢ়িওৱা এখন ট্ৰাকৰ চালকক বৰ্বৰভাৱে আক্ৰমণ কৰি ভৰিত শিকলিৰে বান্ধি ওৰেনিশা কৰিছিল অত্যাচাৰ। তাৰপাছতে ট্ৰাকচালকজনক শিকলিৰে বান্ধি কৰা অত্যাচাৰৰ ফটো আৰু ভিডিঅ' সামাজিক মাধ্যমত আপলোড কৰিছিল ধৃত কয়লা মাফিয়া দুটাই।

 উল্লেখ্য যে ট্ৰাকচালকজনক অত্যাচাৰৰ মূলতে আছিল কয়লা কঢ়িওৱা ট্ৰাকখনৰ চালকৰ অজ্ঞাতে হেণ্ডিমেনজনে গোলাঘাটত বিক্ৰী কৰিছিল কয়লা। তাৰপাছতে ট্ৰাকৰ হেণ্ডিমেনজনক ধৃত কয়লা মাফিয়া দুটাই বিচাৰি নাপাই ট্ৰাকচালকজনকে ওৰেৰাতি শিকলিৰে ভৰিত বান্ধি অত্যাচাৰ চলাইছিল।